მეექვსე დღის რეფლექსია

დღევანდელი დღის ტრეინინგი დავიწყეთ მოსწავლის ნამუშევრის ერთმანეთისთვის გაზიარებით. გავითვალისწინეთ ერთმანეთის შეხედულებები და შენიშვნები.
ვისაუბრეთ მოდული 5-ზე. ვიმუშავეთ რუბრიკების შექმნაზე, შევქმენით რამდენიმე სახის შეფასების რუბრიკა.

მეხუთე დღის ტრენინგი

დღევანდელი დღის ტრენინგზე განვიხილეთ მოდული3. ვისაუბრეთ საავტორო უფლებებზე. მათ დაცვაზე და როგორ შეიძლება გამოვიყენოთ სხვისი ნამუშევარი. გაავანალიზეთ თუ რა შემთხვევაში ირღვევა საავტორო უფლებები და რა შემთხვევაში არა.
განვიხილეთ APA  და MLA სტანდარტები, ვისაუბრეთ მათ შორის განსხვავებაზე.
შევქმენით გამოყენებული ლიტერატურის მარტივი შაბლონი.
განვიხილეთ ინტერნეტი როგორც კვლევისა და საკომუნიკაციო საშუალება.

ვისაუბრეთ ასევე მოდული 4. სასწავლო ნიმუშის შექმნა. როგორ უნდა შექმნას მოსწავლემ თავის ნამუშევარი, რომ პროექტი უვითარებს მოსწავლეს მაღალ სააზროვნო უნარებს, რომ დაინახოს რაშია პრობლემა და ეძებოს მისი გადაჭრის გზები და გამოიტანოს დასკვნა.

მეოთხე დღის ტერინინგი

დღევანდელ ტრენინგზე განვიხილეთ მოდული 2-ის აქტივობა 3. ვიმუშავეთშეფასების გეგმის შემუშავებაზე. გავიგეთ და გავაანალიზეთ რომ პროექტის მსვლელობის დროს გჭირდება უწყვეტი შეფასება. შევქმენით შეფასების დროის ჩარჩო, წინარე ცოდნის შეფასების ფორმა.
   გავიხსენეთ საპრეზენტაციო პროგრამა PowerPoint-ში მუშაობა.
   დავიწყეთ ჩვენი პროექტის პორტფოლიოს მომზადება.

მესამე დღის რეფლექსია

დღევანდელ ტრეინინგზე განვიხილეთ მოდული 2. სასწავლო პროექტის დაგეგმვა. გავაანალიზეთ რომ პროექტის დაგეგმვის პირველი ეტაპი მოსწავლეების მიერ მისაღწევი სტანდარტის დადგენაა. შემდეგ მიზანს კი წარმოადგენს შერჩეული სტანდარტებიდან  მიზნებისა და სააზროვნო შეკითხვების გამოკვეთა.გავარჩიეთ ზოგადი, თემატური და შინაარსობრივი კითხვები.გავიგე თუ როგორ უნდა დაისვას სწორად სამივე ტიპის შეკითხვა. მოსწავლეებთან ზოგადი შეკითხვების დასმით შეგვიძლია ცნობისმოყვარეობის აღძვრა რაც საკმაოდ ეფექტური იქნება გაკვეთილზე.

მეორე დღის რეფლექსია

დღევანდელ ტერინინგზე გავეცანი ბუკლეტის დამზადების მეთოდს. გავიგე თუ რაში შეიძლება გამოვიყენო იგი, რომ ბუკლეტი გევხმარება წინასწარ გავაანალიზოთ თუ რა სარგებლობა მოაქვს პროექტს, რა შედეგები შეგვიძლია მივიღოთ.
    მომავალში ბუკლეტის გამოყენება საკმაოდ ეფექტური იქნება ჩემთვის მშობლებთან ურთიერთობის დროს. მისი დახმარებით შევძლებ მშობლებს ვანახო თუ რას აკეთებენ მათი შვილები და რა შედეგზე გავდივართ.

პირველი დღის რეფლექსია

გავეცანი viewer-ის სახელმძღვანელოს,  საინტერესო რესურსებს, რაც შეიძლება გამოყენებული იყოს 21 საუკუნის უნარ-ჩვევების განვითარებაში. შევქმენი პორტფოლიოს საქაღალდეები, შევინახე რესურსები, რომელთაც მომავალში გამოვიყენებ პროექტის დაგეგმვაში. ტრეინინგი დატვირთული იყო საინტერესო და მნიშვნელოვანი ახალი ინფორმაციით, განსაკუთრებით საინტერესო აღმოჩნდა პორტფოლიოს ჩეკლისტის გაცნობა, რაც საინტერესოდ შეიძლება იქნას გამოყენებული მოსწავლეებშიც.